عبر عدد كبير من الفنانين اللبنانيين عن حزنهم و غضبهم بعد انفجار بيروت الكبير معتبرين ما حدث نتيجة فساد السلطة اللبنانية.

و عبرت كارمن لبس بتعليق لها من خلال تغريدة على منصة التواصل الاجتماعي "تويتر" حيث كتبت كلمة وجهتها إلى الرئيس الفرنسي بعد قراره لزيار لبنان:"تعا وجيب معك الإنتداب، ما بقى بدنا هالإستقلال".

لتبدأ بعدها موجة هجوم من التعليقات و التغريدات التي اعتبرت ذلك تعبير عن الغضب والاستياء من أدا السلطة المحلية، فيما اعتبره البعض الآخر أنه دعوة غير مقبولة للتخلي عن السيادة الوطنية.

وفي رد على تعليق أحد المتابعين قالت لبس:"أين الاستقلال والعزة؟ اذا مش عايش هون فما تتفلسف. أكبر ذل يلي عم نعيشوا، اذا المستعمر غريب بتحاربو لتبني وطن، بس اذا المستعمر منك وفيك شو بتعمل؟ لا تزايد عليي بالعروبة والوطنية، أنا كل عمري عشتو هون. أنا حكيت بإسمي لا باسمك ولا اسم غيرك. ومش انت اللي بتقلي لمين بسجد، ما بسجد غير لربي".

وأضافت كارمن موضحة: "كل واحد ما فهم المعنى المجازي وأخد الجملة بشكل حرفي هو مسطح عقليا وفكريا وما بدي قول بهيم لأنو حرام. فكل واحد فكرو محدود رح إعملو بلوك لأنو ما بيهمني أعرف إنو موجود بهالعالم".